Fremur stór svartfugl sem svipar mjög til langvíu.

Fluglag og hegðun eru í grundvallaratriðum eins og hjá langvíu. Stuttnefja greinist frá langvíu á hvítum síðum, styttri og þykkari goggi með hvítri goggrönd, brattara enni og kantaðri kolli og á veturna á svörtum vöngum. Höfuðlag er annað en á álku, auk þess er stuttnefja hálslengri og stélstyttri.

Hún flýgur með kýttan háls og er fimur kafari.

Er afar félagslynd.

Fæða: Fiskur, smokkfiskur, sviflæg krabbadýr.