Lundi er einn af minni svartfuglunum og jafnframt sá algengasti. Hann er fremur höfuðstór og kubbslegur.

Lundinn flýgur beint með hröðum vængjatökum, venjulega lágt yfir haffleti. Stendur uppréttur og á auðvelt með gang. Samanreknari en hinir stærri svartfuglar, höfuðlag er annað og engar vængrákir.

Afar félagslyndur. Yfirleitt þögull en á varpstöðvunum heyrist kurrandi hljóð, bæði úr holum og frá sitjandi fuglum.

Á vefnum Fjaran og hafið er myndband af lunda. Þar sést hann synda í kafi.

Fæða: Fiskur (síli, loðna, seiði), áta, smokkfiskur.