Stór sjófugl sem minnir á máf, þéttvaxinn og hálsdigur með langa og mjóa vængi.

Auðgreindur frá máfum á einkennandi fluglagi, tekur fáein vængjatök og lætur sig svo svífa á stífum vængjunum. Léttur á sundi en á oft erfitt með að hefja sig á loft, sérstaklega í logni. Er þungur til gangs.

Leitar sér ætis bæði á flugi og syndandi, gjarnan kringum fiskiskip, í höfnum og við fiskvinnslustöðvar.

Á vefnum Fjaran og hafið er myndband af fýl.

Fæða: Fiskur, krabbadýr, úrgangur frá fiskiskipum.