Stór, dökkur og hálslangur sjófugl.

Flýgur nokkuð hratt og er háfleygari en toppskarfur. Torvelt er að greina skarfana að á færi og er nánar fjallað um muninn á þeim í umfjöllun um toppskarf. Dílaskarfur teygir hálsinn fram á flugi og veit höfuðið lítið eitt upp á við. Þegar hann syndir eða situr veit goggurinn upp.

Situr oft með þanda vængi eftir ætisleit og blakar þeim í sífellu til að þurrka þá, „messar“.

Er styggur og var um sig á varpstöðvum. Félagslyndur.

Fæða: Fiskur.