Húsöndin er einkennisfugl Mývatnssveitar, meðalstór önd með sérkennilegt höfuðlag.

Hvinur heyrist frá vængjum húsanda á flugi. Karlfuglinn er ákaflega aðsópsmikill og fjörugur í biðilsleikjum sínum, sem hann iðkar mestallan fyrri helming ársins. Hann helgar sér svæði á vatni og á oft í erjum við kynbræður sína.

Er lipur sundfugl og heldur sig oft í talsverðum straumi.

Húsöndin er félagslynd utan varptíma.

Fæða: Mýlirfur, krabbadýr og aðrir hryggleysingjar.