Fuglarnir

Einn af einkennisfuglum miðhálendisins, nokkru minni en grágæs og hálsinn hlutfallslega styttri. Heiðagæs er félagslynd á öllum tímum árs.

Hún flýgur með hröðum vængjatökum og í þéttum hópum, byltir sér meira og er léttari á flugi en grágæs.

Lítið höfuð og stuttur háls eru einkennandi á flugi.

Fæða: Mýragróður, grös.

Fjöldi eggja: 4 - 5
Liggur á:       26 - 27 daga
Ungatími:      56 dagar

Varpstöðvarnar eru í votlendum hálendisvinjum, meðfram ám og lækjum, oft í gljúfrum. Heiðagæs gerir sér hreiður á þúfnakolli eða annarri mishæð, eða á klettasyllu, og klæðir að innan með stráum og dúni. Sami hreiðurstaður er oft notaður ár eftir ár.

Hluti gæsanna hefur viðdvöl á láglendi á fartíma, aðallega á vorin og þá oftast í ræktuðu landi. Meirihlutinn flýgur þó rakleitt inn á hálendið á vorin og tekur sig þaðan upp á haustin.

Dvalartími á Íslandi

Sumar

Vetur

Varp- og ungatímabil

Egg fuglsins hafa ekki fundist á Íslandi