Toppönd er algengasta fiskiöndin hér, grannvaxin, hálslöng og rennileg, vaxtarlagið minnir á skarfa og brúsa. Flýgur venjulega lágt og hratt með sterklegum vængjatökum.

Toppöndin er félagslynd og er oft í litlum hópum. Tilhugalífið er oft afar fjörlegt og mikil læti í karlfuglinum á útmánuðum og vorin.

Afbragðs kafari og góð til gangs og sést stundum veiða í hópum og hrekja bráðina á undan sér inn á grynningar.

Fæða: Fiskur og krabbadýr.