Einn af einkennisfuglum hálendisvatna og tjarna. Fremur lítil kafönd, eina öndin sem hefur ljósan búk á veturna og aldökka vængi.

Hávella er hraðfleyg og vængjatökin sérkennileg, hún flýgur lágt í óreglulegum hópum, vaggandi til hliðanna, og sýnir til skiptis dökkan og ljósan lit.

Hún er afar fimur sundfugl og kafari og lætur brimrót ekki hindra sig. Á pörunartímanum lyftir karlfuglinn löngu stélfjöðrunum upp úr vatninu og syndir gólandi í hringi kringum kvenfuglinn.

Félagslynd og fremur spök en óróleg og sífellt að fljúga upp eða kafa.

Fæða: Skeldýr, sniglar, skordýralirfur og krabbadýr.