Skúföndin er fremur lítil og nett önd og er algengasta kaföndin á láglendi.

Skúfönd er félagslynd á öllum árstímum.

Hún flýgur hratt með hröðum vængjatökum, er djúpsynd og fimur kafari en þung til flugs og hleypur á vatni í flugtaki eins og aðrar kafendur. Sést sjaldan á landi.

Henni svipar til duggandar en er grennri, með annað höfuðlag, styttri háls og dekkri búning.

Fæða: Rykmýslirfur, vatnabobbar, botnkrabbar og hornsíli.