Algeng, stór buslönd sem flestir kannast við. Stokkönd er stærst og þéttvöxnust buslandanna og oftast auðgreind.

Hún flýgur hratt með grunnum vængjatökum og flýgur snöggt upp af vatni með bröttu uppflugi. Á auðvelt með gang og gengur í láréttri stöðu.

Hún leitar sér ætis með því að hálfkafa með bakhlutann upp í loft, aðeins með haus og háls undir yfirborði, eða hún tínir æti úr vatnsborði.

Karlfuglinn yfirgefur kvenfuglinn meðan hann liggur á og safnast steggirnir í hópa til að fella flugfjaðrir. Pörun stendur síðan yfir allan veturinn fram á vor.

Fæða: Vatnaplöntur, skordýr og fræ.