Þessi stóri hröfnungur er eini innlendi fulltrúi ættar sinnar. Hvert mannsbarn þekkir krumma sem er bæði elskaður og hataður af þjóðinni.

Hann er stærstur allra spörfugla, sterklega byggður, með fremur langa og breiða fingraða vængi og fleyglaga stél.

Flug hrafnsins er þróttmikið, vængjatökin djúp og hann flýgur beint og oft hátt og lætur sig svífa á þöndum vængjum. Lætur sig oft falla með aðfellda vængi og leikur alls kyns fluglistir. Hoppar gjarnan jafnfætis.

Hrafnar eru félagslyndir og halda sig í hópum eða pörum.

Fæða: Skordýr, ormar, ber, hræ og úrgangur.